Leeg

Leeg
Et huus kikt me hologig an
ontdaon van alle leven
plezier, gelach, bliede stemmen,
waor is et alles bleven.

dichte deuren in de gang
bescharmen lege kaemers,
verscheuten plakken op et behang
verhaelen van ere tieden.

waor ’t misgong vraog ik jow,
ik kan et niet verklaoren,
mien liefde is nog lieke groot
nao meer as veertig jaoren.

lieverd is dat niet genoeg,
moej’ op ‘e ni’j beginnen,
een jonge vrouw een twiede leg?
oh man kom toch bi’j zinnen.
Roely

Graeg vernemen we jow reaksie

Deze site gebruikt Akismet om spam te verminderen. Bekijk hoe je reactie-gegevens worden verwerkt.