Et boereknechien

Et boereknechien

Een  oold verhael over Jan van der Meer, die op zien twaelfde knechien op Haarzuilens wodde. Hi’j mos doar et wark leren, waj’as boereknecht kennen mossen. Hi’j wodde mit peerd en waegen haeld, want zien kissien mit kleraosie, zien warkkleren, klompen en zundaegse schoenen mossen mit. Hi’j gong bi’j de grote knecht slaopen in de slaopstal aachter de koenen.

Et wark van de eerste dag beston uut de stalschotten mit waeter en een buunder een goede beurt geven, zo gong dat in de kleine Jan zien jaoren.

Mesinen weren  d’r in Jan van der Meer zien jaoren haost niet. Et wark op et laand wodde allemaol mit peerdekracht daon. Doedestieds wodde d’r iene soms twie varkens slacht, waor et hiele jaor van eten wodde. Roggebrood mit spek en bi’j ’t middageten wodde rejaal spek rondield. Dat laeste was stipt om twaelf uur. Om negen uur wodde de dag ofsleuten mit een bod soepenbri’j. Daornao was et beddegaonstied. De kleine Jan mos morgens om vier ure weer ofscheid van zien strozak nemen om te gaon melken.

Zaoterdagmiddaegs hadde hi’j vri’j. Vaeke dolde hi’j mit Bello de hond. Zundaegs gong hi’j naor de karke. As hi’j gelok hadde, gong hi’j mit jongen van zien leeftied, aachter de maegies mit de lange vlechten zitten. Stiekem an de vlechten trekken en dan doen, daj’niks daon hadden.

Mit een weke hadde hi’j et melken aorig onder de kni’je, dat gul veural de koenen, die niet zo vule gavven. Zo gong et ok mit et ommegaon mit de peerden.

 

Nao twie jaor bestedede Jan him bi’j een aandere boer

 

Kees Koopstra

Graeg vernemen we jow reaksie

Deze site gebruikt Akismet om spam te verminderen. Bekijk hoe je reactie-gegevens worden verwerkt.