Elkeniene die wat het veur disse webstee, is hierbi’j uutneudigd.
Aj’ oons een vraoge, opmarking of wat eers melden willen, kiek bi’j Kontakt.
‘Bekiek et mar‘ is een eupen platform veur meensken die schrieven, of wat aanders doen mit et Stellingwarfs en de Stellingwarven.
De webstee kan een uuthangbod wezen, een pertaol waor elke Stellingwarver zien ei kwiet kan en een pertaol naor aandere Stellingwarfse websteden. We hopen zo aktieve uutwisseling tussen deelnemers an te vieteren en an de rol te brengen.
Et kan verhaelen, gedichten, zels inspreuken vassies angaon, schrievers een podium bieden zonder ballotage. En ok om ni’js & ni’gies van de Stellingwarven, meziek, filmpies, foto’s, recepten, lekker eten, genieten. Aj’ wat te melden hebben over de Stellingwarver netuur, oons laandschop, een kuierartikel van hier, een interview mit meensken uut de Stellingwerven, raodsels, ok dan kuj’ op disse webstee dat kwiet.
D’r bin mar een peer spelregels:
- bi’jdregen bin veur eigen rekening & verantwoording
- bi’jdregen bin bi’j grote veurkeur in et Stellingwarfs,
Let op: zels op fouten konterleren!
TIP: op www.stellingplus.nl kuj’ oonder E-learning et digitaole woordenboek Stellingwarfs downloaden
- de inzending moet voldoen an de algemiene norms van goed fesoen
- de inzending mag gien inbreuk maeken op auteursrecht
- jow inzending moet veurzien wezen van een geldig emailadres
- et platform hoolt him mit et oge op bovenstaonde et recht veur zonder veerdere opgaove van reden een bi’jdrege niet op te nemen.
et Platform bekiek et mar bin
Jan de Vries, Wolvege
Hiltsje Jongsma, Else
Marian Nesse, Haulerwijk
Frans Wuijts, Berkoop
Karst Berkenbosch, Berkoop
Roely Bakker, Makkinge
Grietje Bosma, Sunnege
Nicolette Hartong, Ni’jberkoop
En eerder ok:
Lenus van der Broek, Wolvege
Hendrik Betten, Else
Ate Mulder, Makkinge
Freddie de Vries, Hooltpae
Saemen bin ze schrievers, ni’jsmeenksen, netuurmeensken, dichters, fotografen, kuierders, filmers, eters, warkers, bewoners & genieters van de Stellingwarven