Alle kiender van alle basisschoelen in de Stellingwarven kriegen in de meertmaond ommenocht et tiedschrift Wiesneus mit naor huus.Et prejekt Wiesneus lopt al een stokmennig jaoren in Drenthe en ere Nedersaksische preveensies, mar et is veur et eerst dat de Stellingwarven ok mitdoen an dit onderwiesprejekt.

In et 16 bladzieden tellende tiedschrift staon verhaelen, gedichten, puzels en een kleurplaete. Veur elke leeftied is d’r wat te lezen en wat te doen.Et eerste exemplaor is donderdag 23 feberwaori weke uutrikt op de K.J. Dijkstraschoele in Else. Nikcy van de leerlingenraod kreeg de eerste Wiesneus uut hanen van Schrieversronte direkteur Abel Darwinkel. Christine Mulder las uut de Wiesneus et verhael De Hordawei veur an de kiender. De kiender geneuten van et veurlezen en weren ommeraek bliede mit et tiedschrift.

Tekst SSR; Foto: Lenus van der Broek