Je stonnen an mien wiegien, zongen hiel zaacht

slaop now mar poppien, mam hoolt de waacht’.

 

je zatten naost mien bedde mit een bod sop

stille mar lieverd, iene hap nog, ’t is op.

 

je stonnen in de deure, wat gongen je te keer

zo laete thuuskommen, dat is iens en niet weer!

 

je vreugen op mien trouwdag, ‘bi’j’ gelokkig kiend?

traonen in de ogen, kommen deur de wiend.’

 

ik zat an jow bedde, een haand op je haor

gao now mar mamme, jow leven hier is klaor.

 

we stonnen an de groeve en prevelden zaacht

‘goeie reize naor ginder, waor pappe op je waacht.’

Roely