Berkoop – Zundag was et al weer de vierde dag dat d’r opnaemen maekt wodden t.b.v. de film ‘Daor klept de klokke weer’. Mit mekeer zoe’n 35 meensken weren daor van twaelf ure middags tot half elven aovens drok mit in de weer. In de film wo’n de grootste rollen deur vier personen speuld, veerder dot d’r een grote groep figuraanten an mit. De film is bedoeld veur et basis- en vervolgonderwies in Stellingwarf en speult in de periode dat Stellingwarf zien vri’jhied veurgoed kwietraekte en indield wodde bi’j de perveensie Frieslaand. De kommende weke bin d’r nog vier opnaemedaegen; de verwaachting is dat de première begin 2018 wezen zal.
(Tekst: Sietske Bloemhoff; Foto: Lenus van der Broek)