Schoon verleden

Veurdaj’ mit de deure in huus valen

kwaj’ deur de schoefdeure

van et pompehokke

bi’j een losse aachterdeure

De wringer dwingt mien gedaachten

terogge naor bussen zaand ziepe en soda

et potterak busserak en buunstap

gimmeleren emmers en hoolten tobben

inmekere zet mit waeter om

vermoegen te veurkommen.

De maendag is al lang gien wasdag meer

de twelfde meie het zien kracht verleuren

Deuren gaon now op ‘e haoke of op slot

binnenvalen is d’r niet meer bi’j.

                                Tuller

Graeg vernemen we jow reaksie

Deze website gebruikt Akismet om spam te verminderen. Bekijk hoe je reactie-gegevens worden verwerkt.