Zels maekte fudge

Troostvoer 

Dit gaot d’rin:

  • 1 blikkien kondenseerde melk (in de supermaark te koop, kiek in et schap bi’j de koffiemelk of bi’j de exotische produkten)
  • 150 ml volle melk
  • 450 gram suker
  • 115 gram botter
  • veur wie et lekker vint: een haandvol haezelneuten, walneuten en/of sukelao, grof hakt

Zo maeken we et;

  • Ming alle ingrediënten (behalve de neuten etc.) in een roeme panne. Et spul zal dommiet beheurlik borrelen en in volume toenemen, hool hier rekening mit. Laot de botter smulten op een leeg vuurtien en reur tot de suker goed oplost is.
  • Zet et vuur hoger en bring et spul goed an de kook. Laot 10 tot 15 menuten flink borrelen. Blief reuren, veural over de bojem (doe dit ok echt! Verbraande suker is niet lekker, geleuf me).
  • konterleer mit een sukerthermometer of de juuste temperatuur beriekt is, dat is 118 graoden (‘soft ball stage’ staot d’r op sommige thermometers). Gien sukerthermometer in huus? Laot dan een druppeltien fudge in een beker ieskoold waeter valen. As et druppeltien een zaacht ballegien is, is de fudge goed.
  • Hael de panne van et vuur en klop et spul stevig  – minimaol vief menuten – mit een hoolten lepel tot de fudge ofkoelt en dikker wodt. Reur d’r now alle lekkere dingegies waor aj’ zin in hebben deur: walneuten, haezelneuten, pecanneuten, vanillezaoties, dreugd fruit, stokkies sukelao, breuken paoseigies, kepotte after eights; verzin in et mar!
  • Giet de fudge in een (vierkaante) vorm die aj’ van te veuren mit bakpepier bekleed hebben. Now votlopen en waachten tot de fudge goed afkoeld is.
0

Graeg vernemen we jow reaksie

Deze website gebruikt Akismet om spam te verminderen. Bekijk hoe je reactie-gegevens worden verwerkt.