Dit gaot d’r in;

– riepe vleerbeien

– sap van 1 citroen

– geleisuker

Ik rekene 1 liter vleerbeiesap op 1 kg geleisuker. (Kiek even op de verpakking.)

Neudig; braandschone glaezen potties mit deksel. (Pas op! Gien plestieken deksel.)

Zet ze op een natte theedoek.

De vleerbeien van de staelties haelen.

Een schoffien in schoon waeter zetten (ze moe’n onder staon) dan kommen de onriepe beien boven drieven. Onriepe beien kun kraamp veroorzaeken.

De riepe beien uut lekken laoten en in een panne an de kook brengen. Meenstens 20 menuten laoten koken. (dit roekt niet lekker).

De massa afkoelen laoten en dan deur een zief dri’jen zodat de pitties aachterblieven.

Et sap mit de geleisuker en et citroensap opni’j an de kook brengen.

Een menuut of vuve koken laoten.

Dan geliek in de potties gieten. De potties moe’n slichtvol wezen. Votendaoliks de deksels d’rop doen, goed vaaste dri’jen en de potties omgekeerd neerzetten. Dan zoegt de deksel vacuum.

Zels beweer ik de sjem in de koelkaaste mar in de kelder kan ok.