Zo halverwege feberwaori, begin meert valen ze weer bi’j je in de busse.

De folderties mit alderhaande spullen veur in de tuun. Niet allienig om mit te warken mar veural om je mit te vernuveren.

‘Gao mit je tied mit,’ raoden ze je, ‘schaf je disse zoemer een butenkeuken an.’

Now weet ik uut de eerste haand, dat doe et meensdom et vuur ontdekt hadde, ze hiel vaeke buten heur eteri’je klaormaekten. Nee, netuurlik niet op zoe’n medern geval mit allemaole toeters en bellen mar boven een ienvooldig vuur. Dus zo ni’j is dat buten koken niet.

Een kooktoestel dat in vroeger daegen bruukt wodde deur warkers in et vene en bi’jgelieks deur de iekschellers, vaalt te bewonderen in et meseum ‘Oold Ark’ in Makkinga.

Museum ‘Oold ark’

Lyclamaweg 15,

8423 TD Makkinga

Eupen: Elke zaoterdag van 9.30 – 16.00 ure.

Groepen op ofspraoke: till. 0516-441734 vrouw F. bles.