Roodbossien

 foto; Jaap van Rotten

Et voegelhusien veur et ruut
Is daegeliks een hiel vertier
Staot niet alliend daor veur de sier
De voegels vliegen in en uut

Onder de struke zonder geluud
De zwatte kaeter een schraander dier
Daenkt : ‘gieniene zicht me hier
Al zit ik ze haost op ’e huud!’

Et roodbossien hipt wat op ‘e grond
En pikt een krummeltien brood
Dan vliegen veerties in et rond

Die kaeter is wel hiel arg groot
Versleugen, de haand veur de mond
Zie ik: et voegeltien is dood

Gedicht; Koosje Hornstra  Feberwaori 2009

0

Graeg vernemen we jow reaksie

Deze website gebruikt Akismet om spam te verminderen. Bekijk hoe je reactie-gegevens worden verwerkt.