31 jannewaori verhaele-aovend in ’t Kiekhuus Wolvege

Museum ’t Kiekhuus is ok dit jaor van doel om een verhaele-aovend te holen en dat zal wezen op kommende vri’jdagaovond 31 jannewaori van 19:00 – 22:00 ure.

Disse keer wo’n d’r hiele mooie verhaelen verteld deur:

  • Pier Postma, hi’j verhaelt over zien jeugd as zeune van de schilder.
  • Jelly Goldhoorn-de Ruiter het een mooi verhael over doe zi’j een klein maegien was. Ok draegt zi’j een gedicht veur, wat gaot over Dirk Kerst Koopmans, de keunstschilder van de Scheene.
  • Koosje Hornstra vertelt verhaelen en gedichten over beroepen zoas dat van heur pake, die bakker was en Jan Pikkie, de schoemaeker.
  • Grietje Bosma heur verhaelties gaon over de boerkeri’je van meer as vuuftig jaor leden. Dat bin herinnerings uut de vuuftiger jaoren.

De verhaelen wo’n deurlopend in de verschillende ruumten van ’t Kiekhuus verteld.

De toegangspries veur disse aovend is 5 euro inklusief een bakkie koffie of thee mit een himpien koeke.
Aj’liekewel vrund binnen van et Museum, dan hoef ie niks te betaelen!

Museum t ’Kiekhuus, Grindweg 35, Wolvege

 

Foto: Oold ark van de schilder, zoas een braander, varverskwasten, kammen en rollegies schuurpepier
0

Graeg vernemen we jow reaksie

Deze website gebruikt Akismet om spam te verminderen. Bekijk hoe je reactie-gegevens worden verwerkt.