Piet Bult

Piet Bult (1946-), doe van Ni’jberkoop, het him van ongeveer 2000 tot -zeg mar- et leste van 2012, slim inzet veur de Stellingwarfse tael. Hi’j bleek – krek as zien ooldere breur Oene – liekwels gien ‘mitloper’ die an de haand van ‘Et Instituut’ mitdoen kon of wol, mar bleek himzels hiel goed redden te kunnen. Tegere mit Frank de Vries, doe van Blesdieke, het Piet onder de vlagge van de veur dat doel oprichtte Stichting Stellingwarfs Eigen, op een revolusionaire wieze de komplete ‘Biebel in et Stellingwarfs’ vertaeld. Daornaost het hi’j een hiel verscheid an aandere oolde warken vertaeld, o.e. de Winterreize van Wilhelm Müller en de Beatries.
Van zien gedichten en kotte verhaelen het d’r o.e. in 2006 wark staon bi’j de 75-jaorige Ofsluutdiek, bin d’r verhaelen publiseerd in alderhaande verzaemelbundels en verscheen zien wark in verscheidene kraanten en tiedschriften. Tegere mit Henk de Vries van Noordwolde het Piet jaorenlaank radiopergrammes in en over et Stellingwarfs maekt, veural veur Radio West-Stellingwerf Centraal. Bi’j slot van zaeke kwaj’ Piet zien schrieveri’je geregeld tegen in inzunnen stokken rebrieken van veural de Liwadder Kraante, mar warkte ok wel mit an et laandelike Locomotie, et onofhaankelike blad van et wetenschoppelike bureau van de OSF (Onofhaankelike Staoten Fraktie). Een droktemaeker veur wie (krek as zien breur Oene) de Stellingwarven eins wat te klein en te bekrompen anvuulden.
Sund twiekeer een hatanval in 2014 woont Piet permanent in Frankriek.

BewarenBewaren