Veur de liefhebber

Perentaart

Dit gaot d’r in

6-7 plakkies diepvriesblaederdeeg, ontdujd
5 stevige haandperen
100 gram poejersuker
250 gram pure sukelao, in stokkies
100 gram zaachte botter

Zo maeken we et;

Bereiden (kan 8 ure veur et opdienen):

Leg de plakkies deeg op mekeer en rol ze uut tot een lappe van 28-30 cm deursnee.

Bekleed een invette taartvorm van plm. 24 cm deursnee met het deeg. Drok de raanden goed an.

Prik de deegbojem in mit een vörke en leg d’r een stok bakpepier op. Leg daorin bliendbakkorrels of dreugde peulvruchten.

Bak de deegbojem plm. 20 menuten in et midden van een veurverwaarmde ovend op 200 graoden.

Hael de steunvulling en et bakpepier vot en bak de deegbojem nog 10-15 menuten tot hi’j geer is.

Laot de bojem op een reuster ofkoelen.

Leg de peren in een panne, bedek ze mit waeter en doe d’r de suker bi’j.

Breng dit an de kook en laot de peren op hiel zaacht vuur omdebi’j 10 menuten pocheren.

Neem de peren uut de panne en laot ze wat ofkoelen.

Halveer ze, hael d’r et klokhuus uut en snie de halve peren in hiele dunne plakkies.

Smult de sukelao mit de botter in een komme boven hiet waeter.

Schink et sukelaomingsel op de ofkoelde taartbojem.

Verdeel de in plakkies sneden halve peren over de sukelao.

Laot de taart weer ofkoelen.