appeltaart

Et is d’r tied van et jaor veur

Dit gaot d’rin;

300 g zelsriezend bakmael
200 g goeie botter of margerine (kaemertemperetuur)
160 g witte basterdsuker
snuffien zoolt
1 ei
1 kg zaachtzure appels
50 g suker 2 à 3 theelepels keneel
75 g rezienen
2 el kustard of paneermael

Wel de rezienen in lauwwaarm waeter (plm. 15 min.) en dep ze dreuge.
Zet et reuster krek onder et midden van de ovend en verwaarm de ovend veur.
Vet de springvorm in mit botter.
Reur de botter zaacht in een beslagkomme en doe de basterdsuker d’rbi’j.
Zeef et bakmael en doe dit tegere mit et zoolt en twiedadde van et losklopte ei d’rbi’j.
Kneed alles mit de mixer mit deeghaoken (of mit de haand) tot een saemenhangend deeg. Laot et deeg circa 10 menuten in de koelkaast rusten.
Schel de appels, hael de klokhuzen d’ruut en snie de appels in kleine blokkies.
Ming de appelblokkies mit suker, keneel en rezienen.
Bekleed mit ¾ van et deeg de bojem en de raand van de springvorm.
Stri’j 2 eetlepels kustard of paneermael over de bojem.
Vul de vorm mit et appelmingsel en drok dit an.
Bestoef et aanrecht mit wat bloem. Vorm van et resterende deeg dunne rollegies en drok ze op et aanrecht een betien plat tot repies.
Leg de repies kruuslings over et appelmingsel.
Bestriek de repies en de raand van de taart mit et resterende ei.
Bak de appeltaart in circa 75 menuten gaer en gooldbruun.
Laot de appeltaart 1 ure ofkoelen veurdaj’ de springvorm vothaelen.

In plak van keneel kuj’ d’r ook wat citroenrasp in doen.

1

Graeg vernemen we jow reaksie. In et veuren daank