Sutelaktie SSR is uut aende!

Berkoop – Mit prachtig zommers weer gong maendagmiddag in Berkoop de jaorlikse sutelaktie van de Stellingwarver Schrieversronte uut aende. Zoe’n twintig vri’jwilligers tuugden nao de eupeningswoorden van veurzitter Klaas van Weperen de diek uut mit o.e. de ni’je roman van Johan Veensrta, de verhaelebundel van Freddie de Vries en de Stellingwarver Spreukekelender veur 2019. Ni’j veur de sutelaktie is ok et Veldnaemeboek van Oosterwoolde.

De sutelaktie begon dit keer in Oosterwoolde, Else en De Fochtel. In Oosterwoolde wodt niet alliend in et dörp zels suteld, mar ok in de buurtschoppen d’r ommetoe. Ok woensdag 5 en maendag 10 september wodt in die plakken suteld. Daornao verhuust de aktie naor West-Stellingwarf, waor o.e. in Blesdieke, Hooltpae en Ni’jhooltpae suteld wodt.

Veurzitter Klaas van Weperen gaf in zien welkomstwoord an op een slim goeie verkoop te hopen, die is ommes van groot belang veur de stichting. Veurig jaor wodde d’r veur roem € 9000,- verkocht, de verwaachting is dat et bedrag dit keer boven de € 10.000,- kommen zal.

(Tekst:  Sietske Bloemhoff; Foto: Lenus van der Broek)

0

Graeg vernemen we jow reaksie. In et veuren daank

Deze website gebruikt Akismet om spam te verminderen. Bekijk hoe je reactie-gegevens worden verwerkt.