Stellingwarfs Meziekfestival

’Stellingwarfs bedrog’ beste lied Stellingwarfs Meziekfestival  

Oosterwoolde – Zaoterdagaovend 12 november wun de zanggroep ‘’k Wait nait’ et Stellingwarfs Meziekfestival 2016 mit et lied ’Stellingwarfs bedrog’. Serge Epskamp wun de twiede pries mit ’Kri’jen op et veld’ wiels de dadde pries naor de band Flashbang gong mit ’Gisteraovend’. Et Stellingwarfs Meziekfestival was dit keer in De Miente in Oosterwoolde. Roem over de honderd bezukers zorgden mit mekeer veur een sfeervolle muzikaole Stellingwarver aovend. Behalven de drie winners van de wedstried deden an et festival mit: Lammy Bruyns (zi’j wun veurig jaor de eerste pries), et duo The Lion Rules, et koor Elser Smart en De Scheve Schaatsband. Deur ziekte moest de band Spirit of the Dark verstek gaon laoten. De jury beston uut Gerda Hoogeveen, Philomène Bloemhoff en Appie van Riesen. De prissentaosie was, op heur bekende enthousiaste wieze, in hanen van Anna Span, veur et veurtreffelike geluud zorgde Kor Slofstra. Et festival wodde rechtstreeks uutzunnen deur de lekaole omroep Odrie. Et doel is dat et festival ankem jaor opni’j holen wodden zal in Oosterwoolde; de eerste dielnemers gavven heur al op.

1e-pries-k-wait-nait  2e-pries-serge-epskamp

3e-pries-flashbang  dsc_7995

Tekst: Sietske Bloemhoff; Foto: Lenus van der Broek

Graeg vernemen we jow reaksie

Deze website gebruikt Akismet om spam te verminderen. Bekijk hoe je reactie-gegevens worden verwerkt.