Hemel en eerde (hiete bliksem)

Heufdgerecht veur 4 personen

* 1 kg zute appelties
* 1 zure goold renet (zure appel)
* 50 gr suker
* 3 dl waeter
* 1200 gr eerpels
* zoolt
* zwatte peper
* 250 gr vasse wost
* 250 gr rookspek
* 1 grote renet
* 4 blatties lollo rosso

Buun de zute appelties en de goold renet goed schone. Snied ze in vieren en hael de klokhuzen d’r uut. Zet disse appels mit de suker en 3 dl. waeter op en laot ze zachies zo goed as geer koken (da’s zo klaor). Zet ze daornao op et sudderplaetien tot alles goed geer is (plm. 15 menuten).
In een aandere panne de eerpels mit wat zoolt koken en dan pureren.
De stokkies spek knapperig anbraoden, waarm holen en de vasse wost geer koken.
De grote renet in plakkies snieden en bakken.
Reur de kookte appels en de eerpels deur mekaander, breng op smaek mit zwatte peper.
Schep 3 bollegies per persoon op een waarm bod.
Garneer mit de plakkies renet op een blattien lollo rosso.
Schep d’r dan et spekvet en de in plakkies sneden vasse wost overhenne.