Berkoop vol Vuur

Het zit d’r haost op. Wa’k veur de Sunterklaos al veur 90% klaor mit de eupenlocht revue Berkoop Vol Vuur. Vandage kan’k zeggen da’k veur 99% klaor bin. Krig nog wat tekst van een dominee, omda’k ik een dominee opvoerd hebbe en ik as ongeleufige wel weten moete of ien en aander wel klopt. Veur meensken die as et nog niet weten, in 2017 bestaot de tenielverieniging De Hoek van Zevenwouden uut Berkoop 150 jaor en dat zullen de meensken weten ok. OVeral zal vuur wezen en zels de straotverlochting zal uut wezen. Op verschillende plakken zullen veurstellings wezen, dus et pebliek reist mit de speulers mit.
In elk geval liggen de volgende daotums al vaaste en daor kun jim as jim interesseerd binnen in de geschiedenis van Berkoop en van de tenielverieniging De Hoek alvast rekening mit holen.
Op 25 meie hebben we een veurlichtingsaovend veur de inwoners van Berkoop. Op 10 september hebben we ’s aovends om 7 ure mit hopelik 400 meensken een proefaovend om te kieken of et sowieso meugelik is om 400 meensken op een fesoenlike meniere deur et dörp te kriegen en dan ok nog zo dat elkenien kan zien wat d’r opvoerd wodt. (As jim mit doen willen bin jim van hatte welkom) Op 4 t/m 8 oktober 2017 hewwe dan et spektakel, waor as we wel 200 mitwarkers en speulers veur neudig hebben. Kotomme, dit belooft een spektakel te wodden waor as nog lang over praot wodden zal. Mar goed, eerst mar es op 10 september zien of et meugelik is om in die 5 daegen zoen 2000 meensken in Berkoop kwiet te kunnen. Ik bin beni’jd.

Foto: Lenus van der Broek

1

2 gedachten over “Berkoop vol Vuur

Graeg vernemen we jow reaksie. In et veuren daank

Deze website gebruikt Akismet om spam te verminderen. Bekijk hoe je reactie-gegevens worden verwerkt.